Thosi kah rûnpui nei turin sorkar phût

ZPM Ṭhalai chuan, Mizoram hmun hrang hrangah dengue a lêng a, mipui an mangang tih sawiin, thosi hlo kah rûnpui buatsaih thuai turin Mizoram sorkar an phût a; PHC leh health sub-centre-te thawktu leh damdawi hmanga thuam changtlung turin sorkar an ngen.

ZPM ṭhalaite chuan thuchhuah siamin, Mizoramah inenkawlna hmanrua leh hmunhma a la pachhiat avangin tun aia nasa zawkin dengue a lèn a hlauhawm thu an tarlang a, "Dengue vanga mipuiin harsatna an tawh mek laia a chhut chahna tura hmalakna lian tham sorkar aṭanga a la awm lo hi hriatthiam har kan ti. Hri léng mek tihtawp a nih thuai theih nan Mizoram hmun hrang hrangah thosi kah rûn pui nei thuai turin sorkar kan ngen a ni," an ti.