Badminton-a inelna hawng

Saron Veng Branch YMA-in an kum 60 tlin lawmna puala nimina Aizawl East-II Badminton Tournament an buatsaih chu Sports & Youth Services minister Robert Romawia Royte-in a hawng.

Robert Romawia Royte chuan, Mizoram sorkar leh Tata Trusts ṭang dunin Mizoram hmun 40-ah badminton zirna mumal zawkin an kalpui dawn tih a sawi. Jubilee pualin Saron Veng YMA hnenah grant-in-aid angin MLA fund Rs 1,00,000 a pe a, Saron Veng thlànmual thar leina atan Rs 20,00,000 ngaihtuahpui a tum thu a sawi bawk.