Career Guidance Seminar neih a ni

Lunglei College-a Career & Counseling Cell chuan nimin khan college multipurpose hall-ah Career Guidance Seminar an buatsaih a, Lunglei SP Lalṭhafamkima Jongte-in a hmanpui. Seminar-ah hian zawhna leh chhanna hun leh sawihona hun hman a ni.

Lalṭhafamkima Jongte chuan, police lama hna hrang hrang awmte leh thawk tura qualification mamawh leh exam paltlang ngaite a sawifiah a; zirna leh eizawnna kawngah zirlaite chu mahni inhai chhuah a la ṭul dawn avangin, rilru nei taka inpuahchah turin a chah.