BJP hmeichhe hruaituin anganwadi tlawh

India ram puma BJP hmeichhe pawl, Mahila Morcha national president Vanathi Srinivasan chuan Mizoram a rawn tlawh a, nimin khan Lengpuia anganwadi centre a tlawh.

Vanathi Srinivasan chuan Lengpui anganwadi worker-te kâwmin, nu nau paite'n sorkar aṭanga ṭanpuina an dawn turte an dawn leh dawn loh a zâwt a, anganwadi worker-te chuan, nu leh naupangte'n nutrition an mamawh ang ṭha taka an pek thuin an chháng. Poshan Abhiyan hnuaiah nausên enkawl ngaite'n nutrition an hmuh leh hmuh lohte zawtin naupangte a kâwm bawk.

BJP Mahila Morcha National President chuan, lung pawp vanga phaia zai ngai naupang HD Lallawmsangi a a tlawh a; an chhungkaw harsat vanga phaia inzai leh inenkawlna tur an neih loh chungchangah, lung zaina tur leh enkawlna tur senso ngaite a ngaihtuahpui dawn thu a hrilh.

Vanathi Srinivasan hi BJP Mizoram Mahila Morcha president Lalbiakkimi leh Mahila Morcha National Exe­cutive member Lalhruai­tluangi Vandir ten an ṭawiawm a ni.