Nungcha humhalh pawimawhna inzirtir

Environment, Forest & Climate Change department hnuaia Lunglei Forest Division chuan Wildlife Week pualin nimin khan Lunglei Bazar Venga Adventist English School, Vanhne Middle School leh Vanhne High School-ahte nungcha leh ramngaw humhalh pawimawhzia inzirtirna an buatsaih.

Lungleia inzirtirnaah hian, ramsa tihhlum lai, thang kam lai leh ramsa thi tawhte Youtube-a tihlan chingho chhui mek an nih thu leh ṭhenkhat chu hrem an nih tawh thu tarlan a ni.

Champhai Forest Division pawhin nimin khan Hnahlan community hall-ah 68th National Wildlife Week 2022 pualin nungcha humhalh pawimawhzia inzirtirna an buatsaih a, ruihhlo hman sual ṭhat lohna an zirtir nghal bawk.

Inzirtirnaah hian Hnahlan khuaa middle school, high school leh higher secondary school zirlaite bakah, VC, YMA, MHIP leh MUP hruaitute an tel a ni.