Chikungunya vei mi 22 hmu tawh

Lunglei district bawrhsap Kulothungan A kaihhruaiin nimin khan a pisaah Lunglei khawpui leh a chhehvel khaw ṭhenkhata thosi seh aṭanga natna chi khat, Chikungunya vei hmuh chhuah chungchang leh invên dan tur sawiho a ni.

Ṭhutkhawma tarlan danin, kumin chhungin Lunglei khawpui leh a chhehvel khuaah mi 77 endik zinga mi 22-in Chikungunya an vei tih hmuh chhuah tawh a ni.

Chikungunya chu sikserh pai thosi ang ni lo, chhun lama mi seh ṭhin thosi ṭialte aṭangin kai theih a ni a; khawsik sang tak nei thut, taksa leh tihrâwl ná, chauh ngawih ngawihna, lu ná, luakchhuak leh thak tein a lang chhuak ṭhin.