Mamitah Mizoram politics zirhona nei

Mamit College Political Science department leh Mizoram Political Science Association chuan nimin khan Mamit College-ah Mizoram Political Science Association Conference, 2022 leh Seminar on Mizoram Since Independence: Change and Development in Polity and Society an buatsaih a, chief secretary Dr Renu Sharma-i'n a hmanpui.

Dr Renu Sharma chuan, Mizoramin peace accord hlawhtling tak a nei chu lawmawm a tih thu a sawi a, "State rálmuang ber kan nih angin mipui kan zalen a, tunah hian kan state per capita income pawh national average aiin a tam a ni," a ti.

Chief Secretary chuan, Mizoram GSDP kum tin 8%-a a punna chu Mizo mipuiin an chhawr mek tih a sawi rualin, inrenchem a ṭul a, leilung hausaknate hâi chhuak a, a ṭangkai thei ang bera hman a ṭul thu a sawi bawk. Seminar-ah hian thupui 18 zirho a ni.