CM leh AR hotu an inkâwm

Chief minister Zoram­thanga leh Assam Rifles inspector general (East) Maj.Gen. VK Nambiar te chu nimin khan CM pisaah an inkâwm a; Mizoram sorkar leh Assam Rifles ten thawhhona an neih tawh ṭhin leh thawhho zel dan tur an sawi dun.

Chief Minister leh Assam Rifles hotu hian dan kalha ramri kâna phal loh thil lâk luh dan chungchangah khauh taka hmalak pawi­mawhzia an sawi dun a; Zokhawsanga AR hmunpui hawn tur chung­changte an sawi dun bawk.

Maj. Gen. VK Nambiar chuan, Mizoram mipui leh AR inkarah inlaichìnna ṭha tak a awm zel a beisei thu a sawi. AR Inspector General hi AR 23 Sector DIG Brig. Digvijay Singh-a'n a ṭawiawm a ni.