ZMC Bye-Laws pawm a ni

Zoram Medical College Governing Coun­cil chu nimin khan Chief Ministers' Office confe­rence hall-ah an ṭhukhawm a, chief minis­ter Zoramthanga'n a kaihruai. ZMC-a college inkaih­hruaina tura duan ZMC Bye-Laws pawm a ni.

Ṭhutkhawmah hian TB & Respiratory Medi­cine department-a post siam danglam ngai te, staff nurse indaih lohna te, college tihchangtlun zelna tura ram zauh belh chungchangte an sawiho.

Medicine lama thiam­na leh inenkawlnain hma a sawn theih nan sorkar laipuiin medical college hrang hrangah a theih chin china post graduate zirna siam ni se, a tih angin, ZMC-ah pawh post graduate course siam dan tur leh thu pawimawh dangte sawiho a ni bawk.

Meeting-ah hian depu­ty chief minister Tawnluia, Health minister Dr R Lalthangliana leh MLA Prof. F Lalnun­mawia bakah, Health department, HTE deptt, Finance deptt, Power & Electricity department, Planning department, DPAR department, PWD leh PHE department hotute leh, ZMC, IMA leh Mizoram University aiawhte an tel a ni.