AR leh pawl hruaitute inkâwm

Assam Rifles hotute chuan nimin khan Aizawlah NGOs Conclave an buatsaih a, Central YMA, MHIP, Mizoram Football Association, MZP leh MSU hruaitute an tel.

Conclave-in a tum chu, Assam Rifles leh Mizo­rama pawl hrang hrang leh mipui inkarah thawhhona ṭha a awm a, mipui tana hmasawnna tura rawng an bàwlho theih dan tur sawiho a ni a; AR hotute leh pawl hrang hrang hruaitute chuan an ngaihdan leh ṭha an tih zawngte an sawi a ni.

Mizorama ruihhlo a hluarzia sawi lan a ni a, ruihhlo donaa thawhho dan tur sawiho a ni. Myanmar aṭanga dan loa thil tawlh rûkte tihtlem leh tihrêm dan tur sawiho a ni bawk. AR hotute chuan, dan loa Myanmar aṭanga thiol tawlh rûk man chhuah kawngah pawl hrang hrangte chu thawhpuiah an sáwm a ni.