Serchhip YMA-te'n inthlahdah an hlau

YMA Sub-Headquarters, Serchhip Exe­cutive Committee (SEC) nimina ṭhukhawm chuan thu­chhuah siamin, Co­vid-19 hripui léng donaah tunlai hi ṭan mar a hun chhoh vanglai tak a nih laiin, Mizo mipui an inthlahdul palh ang tih an hlauhthâwn tak zet thu an tarlang.

Serchhip Sub-Hqrs. YMA chuan, state dang aṭanga mamawh phurh luh kawngah Mizoram chu a inthlah zalên lutuk deuha an hriat thu sawiin, "Kan chesual ang tih a hlauhawm hle. 'Ei tur aiin nunna a thupui zawk' tih hi sorkar hian kengkawh ngam se kan duh tak zet a ni," an ti.

Serchhip YMA chuan, Mizoram ramrite venhim kawngah sorkarin ramri vengtute thuam chak zel se an tih thu an sawi a; fimkhur leh uluk taka Mizoram venhimna tihngheh sauh sauh a nih theih nan mawhphurtu zawng zawngte inthlahdah loa ṭang mar tlat turin an ngen a ni.