Chama'n kudam leh futsal ground hawng

Home minister Lalchamliana chuan nimin khan a bial chhunga East Lungdar khuaah FCSCA Distribution Center (kudam) thar a hawng a; Shyama Prasad Mukherji Rurban Mission (Rurban) hnuaia sak futsal khelmual a hawng bawk.

Futsal khelmual hi SPMRM (Rurban) hnuaiah cheng nuai 45 hmanga sak niin, a dung ft. 115 leh a vâng ft. 65 a ni a; June 6, 2022-a siam ṭan, August 13-a siam zawh a ni. Phûl lem phah a nih bakah, zana inkhelh theih turin light system-a thuam a ni a; inkhel entute ṭhutna tur gallery ft. 92X12 a zau siam a ni.

East Lungdar kudam thar hi cheng nuai 164.71 hmanga sak a ni a; Mizoramin NABARD hnuaiah Construction of Intermediate Storage Godown & Related Infrastructures Project cheng vbc. 39.61 a hmuh hmanga kudam 21 sak zinga mi a ni.