NCST member-in páwl hruaitute a kâwm

National Commission for Scheduled Tribes (NCST) member Ananta Nayak chuan October 6, Ningani tlai khan State Guest House-ah Central YMA, MUP leh MHIP hruaitute bakah, Bâwm leh Páng zirlai pawl hruaitute a kâwm a; NCST hnathawh leh thuneihnate a hrilhfiah.

Pananta Nayak chuan, NCST chu mi tam takin an hriat chian loh avangin sorkar laipui commission tênau emaw an ti ṭhin tih a sawi a, "NCST hi ram danpui hnuaia din constitutional body a ni a, tribal-te dikna leh chanvo chungchangah thuneihna sang tak a nei," a ti.

NCST member sawi danin, NCST mawhphurhnate chu sorkar scheme hrang hrang hnuaia tribal-te hamṭhatna dawn mek endik leh rawtna thlen te, tribal-te dikna leh chanvo palzût a nih chungchanga thu thlenna leh a ṭul anga sorkar thuneitute an hmaa inlantirte an ni.

Pananta Nayak ṭawiawmtu NCST joint secretary Konthang Touthang chuan, Mizorama tlawmngai pawlte chu tribal-te hamṭhatna dawn theih hâi chhuah leh tribal-te dikna leh chanvo humhalh chungchanga hma an lâk dan fakawm a tih thu a sawi.