Ṭanpuina dawng tur naupang thlang

Ministry of Women and Child Development hnuaia Mission Vatsalya hmalaknain October 6, Ningani khan Aizawl District Sponsorship and Foster Care Approval Committee chu an chairman Dr Lalhriatzuali Ralte, DC kaihhruaiin an ṭhu a; sponsorship dawng turin naupang 72 leh Foster Care fund dawng turin naupang 21 an thlang.

Sponsorship hi nau-pang kum 18 hnuai lam, harsatna hrang hrang nei leh retheihna avanga zirna mamawh, ei tur leh damdawi hmanga inenkawl ngai, inenkawlna tur nei si lote chhawmdawlna tur a ni a; naupang ṭanpui ngai nia hriatte chu District Child Protection Unit (DCPU), Aizawlah hriattir theih a ni.

Foster Care chu naupangin enkawltu chhungkaw mumal an neih loh a, chhungkaw dangin ṭha taka an lo enkawl lailâwkna a ni a; enkawltu mumal nei lo naupangte enkawl thei tur leh ṭanpui thei tura inhuamte tan DCPU, Aizawlah zawhfiah theih a ni bawk.