Aizawla thlai man hriat theihna Mobile application tlangzarh

Rural Development minister Lalruatkima chuan, nimin khan East Lungdarah SPMRM, East Lungdar cluster buatsaih, Aizawla thlai man awlsam taka hriat theihna tur mobile application, 'Aizawl Thlai Rate Android App' a tlangzarh.

Lalruatkima chuan, thingtlanga loneitute leh bazar duhte'n Aizawl bazara thlai man an hriat theih tur thu sawiin, "Thingtlang mite'n an thlai thar hralh kawngah an hlâwkpui ngei ka beisei. Bazar turte pawh thlai rate hre sain bazarah an kal thei dawn. A leitu te, zuartu te leh thlai thartute tan ṭangkai tak a nih ka beisei," a ti.

Aizawl Thlai Rate Android application hi Google Playstore aṭangin download theih a ni.