Lirthei tihdanglam phal a ni lo

Lungleia District Transport Officer chuan thupek chhuahin, danin a phal chin baka lirthei tihdanglam phal a nih loh thu a tarlang a, hemi chungchangah hian uluk leh khauh zawkin hmalak a ni dawn tih a puang.

Lunglei DTO chuan, dan hnuaiah lirthei hlai zawng, sei zawng leh sàn zawngah phal chin bithliah vek a ni tih tarlangin, "Tun hnaiah lirthei ṭhenkhat chu dan pawisa miah lo leh danin a phal chin bâkin lirthei hlai zawng leh a san zawngte an duh danin an khawih danglam ṭhin nia thu dawn a ni," a ti a; chutiang dan bawhchhiatna chu Central Motor Vehicles (Amendment) Act Section 182(A)(1) angin Rs 5,000 chawitir leh thla ruk tàntira hrem theih an nih thu a tarlang.

Phurh zawh tâwk bithliah aia rit phurte chu MV Act, 2019 Section 194(1) hmangin Rs 20,000 chawitir theih a nih thu tarlan a ni bawk.