Lungleiah DC kaihhruaina hnuaiah chhiatna hmachhawn dan thlir lêt a ni

Lunglei District Disaster Management Authority chu an chairman Kulothungan A, bawrhsap kaihhruaiin nimin khan an ṭhukhawm a, khuarèl chhiatna tâwkte hnena ṭanpuina sem dan leh hmalaknate an thlirho.

Ṭhutkhawma tarlan danin, kumin June-September chhunga fûr ruahtuiin Lunglei district-a khaw kár kawng a tihchhiat khaw 17-te hnenah thawm ṭhatna senso atan

Rs 4,81,800 sem a ni a; khuarel chhiatna avanga chenna in chhia chhungkaw 11 hnenah Rs 4,31,100, huan leh thlai chhia chhungkaw 11 hnenah Rs 1,97,280 sem a ni.

Tarpauline 74 leina atan Rs 5,34,840 hman a ni a, chhungkaw pahnih hnenah Covid-19 zangnadawmna Rs 1,00,000 pek a ni. A vaia sum pek chhuah zawng zawng chu Rs 17,45,020 a tling.

Kumin June-September chhung vêkin Lungsen khuaah community volunteer training leh mock drill neih a ni a, Quick Respone Team-te'n Lunglei Venglai leh Zobawkah kawng dâl zawnga thingtlu an tifai. Khuarel chhiatnaa chhanchhuahna hmanruate chu a mamawh tan Lunglei DDMA pisaah hawh leh hman theih reng a nih thu tarlan a ni bawk.