Science Exhibition buatsaih

Zirtiri Residential Science College-a Innovation Club chuan a vawi khatna atan nimin khan an college auditorium-ah Science Exhibition 2017 an buatsaih a, Zirtiri RSC principal Lalṭanpuia'n a hawng.

Science Exhibition-ah hian Zirtiri RSC-a department hrang hrang 10-in an thiamthil an entir a; science-in mihring ni tin nun a puih dan te, tunlai khawvela science pawimawhna lian zual zel te, science khawvela thil mak hrang hrangte pho lan a ni. Exhibition hi college zirlaite leh sikul zirlaite'n an chhim a ni.