Police kut phuarsakah sorkar puh

BJP, Mizoram Pradesh chuan thuchhuah siamin, Congress party kaih­hruai Mizoram sorkar chu police-te kut phuarsakah an puh a, police kut phuar phelh turin an phût.

Mizoram BJP chuan, Congress party minister leh MLA-te hausak chak lutuk chungchangah July 18, 2017-ah Anti-Corruption Bureau (ACB) SP-ah Lal Thanhawla, H Zothangliana, KS Thanga, Lalrinmawia Ralte, Lalrobiaka, PC Lalthanliana, Hmingdailova Khiangte leh K Lalrinthanga te chhui chiang tura ngenna FIR an thehlut tih an tarlang a, "ACB-in chak taka hma lain, Vigilance department-ah August 28-ah chhui phalna an dil a, mahse, Vigilance department enkawltu chief minister Lal Thanhawla'n tun thlengin chhui phalna a pe duh lo," an ti.