Mock drill neih dan tur rêl

Aizawl District Disaster Management Authority (ADDMA) chu nimin khan an chairman A Muthamma, DC hoin DC conference hall-ah an ṭhukhawm a, October 13, 2017-a Earthquake Mock Drill neih dan tur an rél.

United Nations General Assembly chuan October 13 hi International Day for Natural Disaster Reduction-ah a puang a; Aizawl district-ah pawh hemi ní hian hmun hrang hrangah lirnghing thleng thei laka chhanhimna hna thawh dan tur leh mipuite'n hmachhawn an thiam theih nana nunchan zirna, mock drill neih a ni ang.

Meeting-ah hian mock drill neih huna sorkar department hrang hrang leh tlawmngai pawlte mawhphurhna leh tih tur inhrilhhriatna hun hman a ni.