Electoral roll ennawn mek sawiho

Electoral roll ennawn mek, Summary Revision of Electoral Rolls 2018 chungchang ngaihtuahin nimin khan Mamit district tana observer Zothan­khuma hoin Mamit DC pisa conference hall-ah district thuneitute an ṭhukhawm.

Zothankhuma chuan, political party tinte chu Booth Level Assistance ngai pawimawh tura ngenin, chu chuan buaina awm theite awlsam zawk­a a chinfel zung zung a beisei thu a sawi.

Meeting-ah hian, candidate-te'n vote an hmuh dan rang zawka puan chhuah a nih theih nan counting hall neih belh chungchang te, postal ballot chhiar chhung a rei ṭhin avang leh a hma lama vote chhiar tura ruahmanna siamsak tura thuneitute ngen te, vote chhiartu leh table neih belh tura Election Commission of India-a rawtna thlente an rel a ni.

Meeting-ah hian ERO, Election Officer, district chhunga AERO, political party aiawh, MHIP leh MZP hruaitute an tel.

Champhaiah pawh DC conference hall-ah Special Summary Revision of Electoral Roll 2018 kalpui dan endikin election observer H Lalengmawia hoin official, NGO hruaitute leh politicial party aiawhte an ṭhukhawm.

H Lalengmawia chuan Champhai district-a election official-te hna­thawh dante ngaithlain an report pawh a tha a tih thu a sawi a, meet­ing-a telte chu mahni lungawina tling khawpa theihtawpa ṭan la turin a fuih.

H Lalengmawia chuan NGO leh political party hruaitute chu election hlawhtling taka neih a nih theih nan roll revision hi a pawimawh tih thu a hrilh a, "Electoral roll-a inthun hi a tawpna ni loin vote an thlak ngei tura ṭanlak a ngai a ni," a ti a, inthlan leh huna vote thlak 90% tal tlin tum turin nasa lehzuala tan la turin a sawm.