Court-in bail dilna ngaihtuah lo

Khehpuam (pseudoephedrine) lei leh hralh thubuaia man, Mizoram Chief Information Commissioner (CIC) hlui, Robert Hrangdawla, IAS (Rtd.) bail dilna chu nimin kha ngaihtuah hun ni mah se, ngaihtuah theih a ni lo.

Robert Hrangdawla bail dilna hi October 11, 2017 khan Special Court (Drugs & Cosmetics Act) judge Vanlalenmawia'n a ngaihtuah a, Medical Board chu Robert Hrangdawla hriselna dinhmun endik tur leh, chumi hnu nimina ngaihtuah leh turin thutlukna a siam a ni.

Medical Board lam hian Robert Hrangdawla hriselna dinhmun an la endik hman loh avangin, Court chuan bail dilna chu a ngaihtuah ta lo a; Medical Board hi October 18-ah an ṭhukhawm dawn a, chutah chuan Robert Hrangdawla hriselna dinhmun enfiah tura tih a ni.

Medical Board-in Robert Hrang­dawla hriselna dinhmun an endika result thehluh a nih hunah Court chuan bail dilna ngaihtuah hun tur a ruat ang.