Thlasika sikul kai hun tur

September 21, 2016-a Council of Ministers meeting-in thutlukna an siam angin, School Education department chuan tun hnai khan academic session kal mek thlasik chhunga sikul kai hun tur a tichhuak.

Thlasik chhunga sikul kai hun chung­changa hriattirna (notification) hi October 10, 2017 khan School Education secretary Esther Lal Ruatkimi'n a tichhuak a; sorkar sikul, deficit aided, adhoc aided, lump-sum grant leh private sikul zawng zawngte chu zawm tura hriattir an ni.

Academic session 2017-18 thlasik chhunga primary school, middle school, high school leh hiher secondary school-te tana sikul ṭan hun chu zing dar 8:30 a ni a; bàn hun chu primary school tan chhun dar 1:30, middle school tan chawhnu dar 2:30 leh, high school leh higher secondary school tan tlai dar 3 a ni ang.

Thlasik atana sikul kai hun hi October 16, kar leh Thawhṭannia hman ṭan tur a ni a, February 16, 2018 thleng hman tur a ni.