MSSC-in IGA dilna an pawm

Nimin khan Mizoram State Sports Council (MSSC) Executive Committee chu an president Zodintluanga, Sports & Youth Services minister hoin a pisah an ṭhu khawm a; Indigenous Games Association-in MSSC recognition an dil chu an pawm.

Meeting-ah hian agenda-te chu MSSC secretary C Laltlanthanga’n a pharh a; kum 2005-a din tawh, MSSC hnuaia Departmental Purchase and Disposal Committee chu siam fel ni se, an ti. MSSC Land Protection Committee member thar ruat a ni a, Selection Committee pawh hna lak leh bân buaipui tura din a ni. Indigenous Games Association-in recognition MSSC hnena an dil chu a pawm a, MSSC General Body Meeting-a ennawn leh turin an dah.

MSSC hi kum 1976-ah din a ni a, a hnuaiah sports association 32 an awm a ni.