Global Handwashing Day hmang

October 15, Pathianni hi kut silfai pawimawhzia inzirtirna ni, Global Handwashing Day a ni. He ni pual hian October 12 leh 13 khan Mizoram ENVIS Centre huaihawtin Aizâwla sikul ṭhenkhata Eco Club-te'n hun an hmang.

Mizoram Environment Information System (ENVIS) Centre huaihawta Global Handwashing Day hmannaah hian Aizawla sikul pariata Eco Club member zirlaite an tel a; zirlaite chu kut silfai dân dik zirtir an ni a, a lem nêna entir chunga zirtirin, a takin an siltir nghal zêl a ni. Kumina Global Handwashing Day thupui chu 'Our hands, our future!' tih a ni.

Mizoram ENVIS Centre hi sorkâr laipuia Ministry of Environment, Forests & Climate Change hnuaia awm a ni a, Mizorama environment kaihhnawih data hrang hrangte la khâwmin an pe chhuak ṭhin a, Mizoram Pollution Control Board-in an enkawl mêk a ni.

Global Handwashing Day hi October 16, kar leh Thawhṭanni-ah Laipuitlanga PHE office-ah Swachch Bharat Mission (Gramin) leh School Education departrment huaihawtin hman a ni bawk ang.