KHAWTHLIR
Winter Festival
Mizoram sorkar chuan thuchhuah siamin, Governor Lt.Gen. Nirbhay Sharma-a'n Ṭhalfavang Kût tih ṭhin chu Winter Festival tia a hming a thlâk thu an tarlang.
Tanpuina sem
Commerce & Industries department chuan nimin khan Mamuana Memorial Hall, Champhaiah NLUP leh NLUP-NEDP convergence ṭanpuina an sem a, Champhai South bialtu MLA JH Ro-
ṭhuama'n a hmanpui. JH Roṭhuama chuan, NLUP vangin hmuh theihin hlawhtlinna hrang hrang awm niin a sawi.
Tanpuina sem
Commerce & Industries department chuan nimin khan Mamuana Memorial Hall, Champhaiah NLUP leh NLUP-NEDP convergence ṭanpuina an sem a, Champhai South bialtu MLA JH Ro-
ṭhuama'n a hmanpui. JH Roṭhuama chuan, NLUP vangin hmuh theihin hlawhtlinna hrang hrang awm niin a sawi.
Bengvarna Vol-II
Central Young Mizo Association (CYMA) leh Law & Judicial department buatsaih lehkhabu, 'Bengvarna Vol-II' tih chu nimin khan Law minister Lalsawta'n Aijal Club-ah a tlangzarh. Lalsawta chuan, dan hriat loh chu chhuanlam a tling a nih loh avangin, mahni dikna hre tur leh mi dangte dikna palzût lo turin mipuite tan dan hriat a pawimawh thu a sawi.
PHE deptt. dem
MPC Women Wing chuan thuchhuah siamin, Aizawla veng hrang hrangah PHE department-in tui an sem ṭha lo hle niin an tarlang a, "Chhungkaw tam takin tuia harsatna an tâwk mek hi pawi kan ti tak zet," an ti. PHE minister Zodintluanga chu a rang thei ang bera tuia mipuite harsatna sukiang turin an phût a ni.
Sum hmang dik
PRISM chuan thuchhuah siamin, Aizawl North-I bialtu MLA, minister R Romawia'n a MLALAD fund a hman dan an enfiah hnuah, inkaihhruaina kalha sum hman a awm lo niin an tarlang a, lawmawm an tih thu an sawi. PRISM tarlan danin, Aizawl North-I biala MLALAD dund hman dan chu October 12, 2017 khan bial chhunga veng tin tlawhin an enfiah a ni.
Skill development
Champhai College-a Women Development Cell buatsaihin nimin khan Champhai College seminar hall-ah 'Skill Development Training’ buatsaih a ni a, zirlaite chu thil pawimawh hrang hrang zirtir an ni.
Hmalak tawh dan sawiho
Agriculture department (Crop Husbandry) chuan nimin khan an directorate committee room-ah scheme hrang hrang hnuaia an hmalak tawh dan leh kumina an hmalaknate an sawiho a, Agriculture minister KS Thanga'n a hmanpui. KS Thanga chuan, officer kalkhawmte chu tih tak zeta hna thawk tura fuihin, "Ṭan in lakna avangin hlawhtlinna kan neih ngei ka beisei," a ti. Meeting-ah hian Mizoram hmun hrang hranga Agriculture department officer-te an tel a ni.