KHAWTHLIR

IKK inkhawmpui
Isua Krista Kohhran (kraws sen) inkhawmpui rorelna sang ber dawttu, division inkhawmpui chu Mizorama IKK kohhran division pali zinga pathumte'n October 13, Zirtawpni zan aṭang khan an hmang ṭan a, nizan khan a ṭiak. Inrinni khan nilêngin rorel inkhawm neih a ni.

Khuaiin zûk hlum
Taia @ Pasena (88), Khawlian chu October 13, 2017 khan khawivànrialin an zûk avangin a thi. Thu dawn danin, Taia hian October 13 chhunah khawivanrial awm khawm a su darh a, khawivanrial tam takin an zûk a ni. Taia hi Phuaibuang damdawi-in panpui nghal a ni a, mahse, a hliam tuar loin October 13 tlai khan a thi a ni.

Thisen pe
Aizawla Himali Bial KṬP chuan Inrinni khan Laipuitlanga Himali Kohhran hall-ah blood donation camp an huaihawt a, mipa pariat leh hmeichhia pangate'n Synod Hospital tan thisen unit 13 an pe.

MPF seminar
Ngopa-a Mizoram People Forum chuan nimin khan an khuaah kum 2018-a Assembly inthlan hmachhawn dan tur zirhona an buatsaih a, MPF general secretary Rev.Dr R Lalbiakmawia'n a hmanpui. MPF seminar hi Lengteng Assembly biala MPF president Rev. R Zorammawia'n a kaihruai a, Rev.Dr R Lalbiakmawia'n thupui sawiin, zawhna leh chhanna hun hman a ni.