Chhiat tâwkte ṭanpuina hlan
Kumina leimin leh tuilian tuartute ṭanpuina tura Central YMA-in sum a dawnte chu nimin khan YMA Sub-Huarters, Lunglei chuan an huam chhunga a dawng turte hnenah an hlan. Chhawmdawlna hlanna inkhawm hi Lunglei Sub-Hqrs. YMA conference hall-ah neih a ni a, Sub-Hqrs YMA president R Lalnunthara'n thu a sawi.
YMA Sub-Hqrs., Lunglei huam chhunga khuarèl chhiatna tuar ṭanpuina pek zat hi chhungkaw 170 an ni a, a vaiin Rs. 69,05,500 sem a ni. Nunna chan, in chhia leh in luah zui tlak loha chhiate leh hliamte hnenah pek a ni a; nunna chán mi pakhatah Rs. 1,30,000 zel pek a ni.
Lungleia chhungkaw pathum hnenah Rs. 1,05,000, Buarpui group-a chhungkaw pakaw hnenah Rs. 7,30,000, Chawngte group-a chhungkaw pali hnenah Rs. 2,15,000, Lungsen group-a chhungkaw 100 hnenah Rs. 31,15,000, Sertlangpui group-a chhungkaw paruk hnenah Rs. 2,55,000, Thorang group-a chhungkaw pali hnenah Rs. 2,60,000, Tuichawng group chhunga chhungkaw 37 hnenah Rs. 17,95,000, Zobawk group-a chhungkaw paruk hnenah Rs. 4,20,000 leh, Vanva group-a chhungkaw pakhat hnenah Rs. 60,000 pek a ni.