ACH hmasawn dan endikna nei

Kayakalp External Assessors leh Ministry of Health & Family Welfare aiawhte chuan, nimin khan Aizawl Civil Hospital ACH) hmasawn zel dan leh faina lama an dinhmun an endik.

Ministry of Health & Family Welfare senior architect Mukesh Bajpai leh senior consultant RK Upmanyu chuan an kal chhan an sawi a, "ACH-a hmasawnna hna hrang hrang, tun hnaia thawh zawh tak leh thawh mekte a hmuna rawn en bakah, hmalak zel dan tur duang tura lo kal kan ni," an ti.

Nimin khan sorkar damdawi-in fai inelna, Kayakalp atana ACH endik hna thawh nghal a ni. Kayakalp inelna hi thuah thuma kalpui a ni a; a hmasa berah mahni leh mahni inendik (internal assessment neih) niin, chuta mark 70 hmu phate chuan district hospital dang aṭanga endiktu, peer assessor-te an hmachhawn leh a ni.

ACH hian endikna chhawng hnihah mark 70 chung lam an hmuh avang­in sorkar laipui aiawha endiktu inspection team-te'n an endik a ni.