MPC leh ZPM-in an tawrhpui

MPC party chuan thuchhuah siamin, MPC general headquarters-a secretary Hmingchung­nunga leh a nupui Rozikpuii, Kawrthah rama an thlámah thah an ni chu hriatthiam harsa an tih thu an tarlang. MPC hian nimin khan an pisaah Hmingchungnunga te nupa sûnna hun an hmang.

MPC chuan, Hmingchungnunga te nupa nunna lâksaktute chu an dem tak zet tih sawiin, "A rang thei ang bera tual­thattute man chhuak a, an phu tâwka hrem ngei turin Mizoram sorkar kan ngen a ni," an ti a; Hmingchungnunga chu MPC party tana rinawm, ṭhahnemngai taka thawk ṭhin a ni tih sawiin, an kalsan tak an tu leh fate an tawrhpui thu an tarlang.

Zoram Peoples' Movement (ZPM) party pawhin thuchhuah siam­in, ZPM-a an thawhpui MPC party secretary Hming­chungnunga te nupa thah an ni chu an hriat­thiam loh thu leh an chhungte an tawrhpui thu an tarlang.