Zan reia Temple ri titawp turin SA hriattir

Aizawl SP chuan Salvation Army (SA) Temple Corps, Aizawl hruaitute hnenah lehkhathawnin, zan dar 10 aṭanga zing dar 6 inkarah Temple sana inkhawn rik tir tawh lo tura hma la turin a hriattir.

Aizawl SP chuan Tem­ple sana, darkar bi zela inkhawng ri ṭhinin zanreiah bengchheng a siam tih hriat a nih thu tarlangin, "Hei hian Supreme Court ruling leh Noise Pollution (Regu­lation and Control) Rules, 2000 te a kalh a ni. He dan hnuaiah hian mi tinte thlamuang taka an mut hahdam theih nan zan dar 10 leh zing dar 6 inkarah bengchheng siam khap tlat a ni," a ti.

SA, Temple Corps hian Aizawl SP hriattirna hi bawh­zuiin, tunah chuan Aizawl Temple sana hi a inkhawngri ngai tawh lo nia thudawn a ni.