Mizoramin kawng hrang hrangah Hma a sawn zel - Chief Minister

Nimin khan Union Home minister kaihhruaina hnuaiah nimin khan Guwahati-ah 70th Plenary Meeting of The North Eastern Council neih a ni a, he hunah hian chief minister Zoramthanga chuan Mizoramah kawng hrang hranga hmasawnna hmuh tur a awm thu a sawi.

Chief Minister chuan kum 35 liamtaah Mizoram chu state puitlin a nih thu sawiin, "Sector hrang hrangah hmasawnna hmuh tur a awm. Kan state economy chu 2021-13 ah 7.15% a nih laiin, kum 2019-2020 ah chuan 11.93% ah a chho leh a ni. Central puihna lo chuan hetiang hmasawnna hi kan thleng thei lo. Chak zawka hmasawn zel kan tum a, chumi atan chuan central minister-ten Covid-19 avangin tunhma aia nasa zawka min puih a ṭul dawn a ni," a ti.

Mizoram chhimthlang chu ruihhlo tawlhrukna, terroism etc. kawng a nih thu sawiin Zoramthanga chuan, "Hei hian Mizoram mai bakah hmarchhak pumah harsatna a thlen thei a ni. Ramri vengtute leh tualchhung police-te tihchak an ṭul," a ti a, Mizoram chu hmun pawimawh tak a nih avangin sum leh pai lamah Mizoram tichak turin Union Home Minister a ngen.