DC-in Hmunhmelṭha tlawh

Champhai district bawrhsap James Lalrinchhana chuan October 8, Inrinni khan Hmunhmelṭha khua a tlawh a, khawtlang hruaitute nen in kawmin, mamawh an thlente tihpuitlin a nih theih nan theihtawp chhuahpui a tum thu a hrilh.

James Lalrinchhana chuan khawtlang mamawh angte a hmuna enfiaha zirchian a pawimawh thu sawiin, "Khawtlang hruaitute nena sawihoin awmzia thui tak a nei thei. Khawtlang thatna tur ngaihtuaha inrawnkhawmna hun buatsaih a ni hi a lawmawm," a ti a, khawtlang hruaitute chu rualelna dik nei chunga ṭan la turin a chah.

Bawrhsap hian Hmunhmelṭha khua leh a chhehvela hmunhma pawimawh tak tak All India Radio (AIR) station, health sub-centre, Govt. Hmunhmeltha Middle School, MUP In, MHIP Run, infiamna hmunhma, Hmunhmelṭha Park leh Hmunhmelṭha-Zote inkalpawhna kawngte a tlawh a ni.