C Lalrinsanga'n sorkar laipui a dawr

Irrigation and Water Resources minister C Lalrinsanga chuan October 7, 2022 khan New Delhi-ah Union Minister of Power and New & Renewable Energy Raj Kumar Singh leh Jhalsakti secretary Pankaj Kumar te chu an pisaah a kawm a, Mizoram mamawhte a sawipui.

C Lalrinsanga chuan Raj Kumar Singh hnenah hian, Mizoram chu India ram state zinga kilkhawr ber zinga mi a nih angin zangkhai leh zual zawka ni zung chakna hmanga tui pump-na funding patern chu kut hnathawktute tana kalpui theih dan tur a sawipui a; Union Minister chuan Union Finance Minister-te nen sawihoa hmalak theih dan kawng dap a tum thu leh a rang lama Mizoram lo tlawh a tum thu a lo hrilh a ni.

Jhalsakti secretary Pankaj Kumar hnenah hian C Lalrinsanga chuan lei hnuaia tui pump chhuahna 'Groundwater Irrigation Project PMKSY (Har khet Ko Pani)' hnuaia project 13-a second installment lo kal tur cheng nuai 578.40 chu a ranglama pechhuak turin a ngen.

Jhalshakti Secretary chuan chinfel ngai tlem la awm chu chinfel a nih veleh a rang lama pekchhuah a nih tur thu a lo hrilh bawk.