Ruihhlo Do Committee ṭhukhawm

Aizawl District Level Task Force on Ruihhlo Do Committee chu October 7, 2022 khan Aizawl DC pisa-ah an chairman Dr Lalhriatzuali Ralte, bawrhshap hoin an ṭhukhawm.

Meeting-ah hian State Level Core Committee on Ruihhlo Do-in ruihhlo dona atana district level committee-te hmalak dan tur hrang hrang a ruahmante an sawiho.

An hmalakna tur an duan zingah Aizawl district chhunga zirna-in hrang hranga ruihhlo ṭhat lohzia inzirtirna kal pui chungchang te, ruihhlo ngaite enkawlna home hrang hrang tlawh te, home leh centre hrang hrangte nena hmalakho dante leh village/local Level Task Force on Ruihhlo Do din chungchangte a tel.

Meeting-ah hian member secretary Prof. Malsawmliana, CYMA asst. secretary; Aizawl SP C Lalruaia, Aizawl East leh West CMO, DEO, Aizawl East leh West DSWO, MJA, MZP, MSU leh Excise & Narcotics department aiawhte an tel.