Mizoram Police-in ganja kg. 101.8 an man

Mizoram Police-te chuan nimin khan hmun hnihah ganja tam tham tak an man a, a belhkhawmin kg. 101.8 a ni.

CID (Special Branch) leh Bawngkawn Police ṭangkawp chuan nimin zing dar 9 vel khan ganja kg. 41.8 an man a, a neitu M Biswajit Meitei leh a nupui Apem-i, Bawng­kawn leh R Frontier, Manipur-te an man nghal.

Ganja hi Manipur aṭanga Aizawla hralh tura lakluh a ni a, heng mi pathumte hian Lunglei road, Bawngkawna thuhruk an tum lai chu Police-te hian nangchingin an man a ni. An pathum hian Bawngkawn PS ah thubuai siam sak an ni.

CID (SB), Saitual Sector pawhin Aizawla hralh tur ganja kg. 60 chu Saitualah an man a, a neitu Lal Babu Sah, Bihar leh L Thotngathing, Manipur-te pawh an man nghal a ni.