Zirlaite NEET zirtir an ni

Lunglei East bialtu MLA Joseph Lalhimpuia hmalaknain nimin khan Saikuti Hall-ah Lungleia pawl 12 zirlaite tan Awareness Campaign on NEET/JEE buatsaih a ni.

Zirhona hi Lunglei SSA project director Micky R Lalenkawla'n a kaihruai a, mithiamte'n NEET leh JEE bakah, exam hrang hrang hmachhawn dan tur te, zirlaite'n education loan an pûk theih dan kalhmangte leh online hmanga scholarship dil dante zirlai kalkhawmte an zirtir. Campaign hi hun hnihah ṭhen a ni a; chawhma lamah science zirlaite tan bik hun hman niin, chawhnu lamah arts leh commerce zirlaite tan hun hman leh a ni.