Miretheite'n lei rem an rah theih nan hma an la zel dawn - BJP President

BJP, Mizoram Pradesh president Vanlalhmuaka chuan nimin khan an party pisaah thu sawiin, miretheite'n lei rem an rah theihna turin hma an la zel dawn tih a sawi.

Vanlalhmuaka chuan, Aizawl khawpuia chêngte pawhin BJP an mamawhzia an hre zel nia sawiin, "Ei chawp zawng leh kut hnathawk te, sorkar hnathawk thlengin tunah chuan kan mangang ta hle a, a chhan chu Mizoram sum dinhmun ṭhat loh vang a ni," a ti a; sum dinhmun ṭha lo chuan thingtlang lam thlenga a nghawng thu a sawi a ni.

Mizoramin hma a sawn theih nan an thawk mawp mawp dawn tih sawiin Vanlalhmuaka chuan, "Miretheite'n lei rem kan rah theihna turin hma kan la zel dawn. Tunah pawh gas leh buhfai chhehrelh kan tihtawp avangin miretheite tan gas leh buhfai a thlàwna sem a ni ta hi a hlu hle. Heng zawng zawng hi central hmalakna a ni a, a chhawrtu chu mirethei tê tê kan ni," a ti.