Covid-19 positive mi 67 chiah an awm

October 9, Pathianni khan Mizoramah Covid-19 vei mi paruk hmuh chhuah a ni a, nimin khan mi 30 chhuahtir niin, hripui vanga thi an awm belh lo. Nimin tlai khan Covid-19 positive mi 67 chiah an awm.

IDSP aṭanga thu dawn danin, October 9 khan swab sample 26 endik aṭangin Covid-19 positive paruk hmuh a ni a, positivity rate chu 23.08% a tling. District hrang hranga positive hmuh dan chu - Saitualah mi pathum, Mamitah pahnih leh Lungleiah pakhat a ni.

Mizoramah swab sample 19,84,657 endik tawh niin, Covid-19 vei 2,38,584 hmuh chhuah a ni tawh a, 12.02% a ni. Nimin tlai dar 5 thlengin mi 2,37,794 (99.67%) chhuahtir an ni tawh a, mi 723 (0.30%) thi tawhin, enkawl mek mi 67 (0.03%) an awm.

Nimin tlai dinhmun angin, district pali - Siaha, Champhai, Lawngtlai leh Hnahthial district-ah Covid-19 vei enkawl lai an awm tawh rih lo a ni.