KHAWTHLIR

DC-in hriattir
Aizawl district bawrhsap Dr Lalhriatzuali Ralte chuan nimin khan Aizawl district-a silai kawltute leh siam (repair) thei, licence neite chu anmahni thua silai ken chhuah, siam danglam leh tualchher silai siamte ti lo turin a hriattir a, "Form IX-A licence holder-te chu minor repair chauh kalpui tur an ni a, major repair chu Form IX licence holder-te chauhin manufacture & repair leh siam danglam hna an thawk thei," a ti.

Hnam dang endik PC-in an phût
PC party chuan thuchhuah siamin, tun hnaiah Aizawla veng hrang hrang leh district khawpuiahte hnam dang sumdawng leh hna hrang hrang thawka khawsa an pung leh ta hle niin an tarlang a, "A ngaihṭhat thlak loh kan ti hle. Hnam dang ualau taka sumdawng leh hna thawka khawsate hi a rang thei ang bera enfiah turin thuneitute kan ngen a ni," an ti.