CS-in Mizoram Civil Service Sport a hawng

Chief secretary Dr Renu Sharma chuan nimin khan Ramhlun Indoor Stadium-ah Mizoram Civil Service Sport & Cultural Association Annual Sports Meet vawi 33-na a hawng.

Dr Renu Sharma chuan, infiamna chu taksa hrisel nana insawizawina ṭha ber zinga mi a nih thu a sawi a, "Sports buatsaih chhan ber chu Mizoram sorkar hnuaia hnathawhte inhmelhriatna, inunauna, leh inṭhian ṭhatnate a ni tih hre reng u la, annual sports hian kan hnathawhna kawnga hmasawnna a thlen ka beisei," a ti.

Sports Meet hawnna inkhawm hi MCS&CA vice president Dr Chawngthanchhunga'n a kaihruai a, Mizoram Police International Badminton player Lalthanzuala'n thutiam chhamna (oath taking) hun a kaihruai.

Meet hi October 14 thleng neih tur a ni a, Mizo-ram sorkar hnuaia hna thawk mi 1,300 vel an tel a ni.