MCS leh MPS a tling tharte chawimawina hlan

Lunglei district bawrhsap Kulothungan A chuan nimin khan a pisaah Lunglei district aṭanga MPSC Combined Exam-a MCS tling thar - Betty Lalrinfeli, Grace Lalremdiki Sailo leh Doris Lalrinawmi leh MPS tling thar R Lalthankimate hnenah chawimawina a hlan.

Kulothungan A chuan, MPSC Combined Exam-ah an district aṭanga mi paliin hlawhtlinna an chang chu thinlung takin a lawmpui tih sawiin, "Vawiina hlawhtlinna in chan hi a bulṭanna a ni. Nakin zela mipui rawng in bawlna turah mi rinawm leh midangte tana innghahna tlak nih ṭheuh tum ang che u," a ti a, ṭhahnemngaihna nena kal zela, hlawhtlinna sang zawk chang thei turin a chah.