Vanduaina tawk chhungte Zangnadawmna hlan a ni

Environment, Forest & Climate Change (EFCC) minister TJ Lal­nun­tluanga chuan nimin khan February 25, 2021-a Kepran khuaa lo hal­naa vanduaina tawka thi Zamawia (L) ralna atan a chhungte hnenah

Rs 2,00,000 a hlan.

TJ Lalnuntluanga chuan, Mizoram sorkarin kangmei avanga nunna chante a tuarpui thu a sawi a, "Thil buaipui fel ngai tam tak a awm avangin a puala hun hman lawk theih a ni lo a, in hriatthiamna sorkar aiawhin ka ngen a ni," a ti.

Minister chuan Zamawia puala hun hman a nih chungchangah bialtu MLA Lalchhandama Ralte, minister of state ṭha­hnemngaihna leh EFCC dept. hotute inpekna fakawm a tih thu a sawi .