Temple sana rî chungchangah AR-in complaint siam lo

Assam Rifles hotute chuan Aizawl Temple sanapui rî chungchangah a bengchheng tiin police hotute hnenah an zualko loh thu Vanglaini palai an hrilh.

Assam Rifles 2nd battalion public relations officer Maj. Praveen Kumar chuan, ri bengchheng chungchangah complaint an neih ngai loh thu a sawi a, "Sakhaw thil kan ngai pawimawh a, kan zah a, Temple sana rî chungchangah pawh complaint chi-ah kan ngai lo a, kan complaint ngai lo. Lammuala Chapchar Kût hmannaah pawh thâwm a ring viau ṭhin mah se, complaint kan nei ngai lo," a ti.

Nimina chhuak Vanglaini-ah Temple sanapui rî chungchang AR Commandant-in police hotute hnenah complaint an thlen anga tarlan chu thu dawnna fuh lo vang a ni a; chhiartute hriatthiamna kan ngen e.