Lungleiah SEDP sawiho

Lunglei DC conference hall-ah nimin khan Socio-Economic Development Policy (SEDP) hmalakna chungchangah Lunglei bialtu MLA pahnih Lawmawma Tochhawng leh Dr K Pachhunga hoin a kaihhnawih sorkar hotute an ṭhukhawm a, hmalakna kal mek leh hmachhawpte an sawiho.

Ṭhutkhawmah hian line department-te chuan Lunglei district-a SEDP thawhkhatna dawng tur chhungkaw 9,000 zinga 8,899 hnenah Rs 25,000 pek tawh a nih thu leh la dawng lo chhungkaw 101 an la awm mek thu an tarlang a; pawisa la dawng lote hi an bank account chungchangah thil tihfel ngai a la awm vang a nih thu an sawi bawk.