Mizoram electoral roll aṭangin Bru 1,992 paih an ni tawh

Tripura refugee camp-a awm ṭhin Mizo­ram electoral roll-a chuangte chu Election Commission of India (ECI) thu angin Mizoram electoral roll aṭangin paih mek zel a ni a, October 10, 2022 thleng khan mi 1,992 paih an ni tawh.

Tripura refugee camp-a awm ṭhin Bru eng emaw zat chuan Mizo­ramah vote an nei a, con­stituency pakua - Mamit, Hachhek, Dampa, Tuirial, Kolasib, Serlui, Lunglei South, West Tuipui leh Thorang biala vote nei mi 1,992 chu Mizoram elec­toral roll aṭanga paih an ni.

Mizoram electoral roll aṭanga paih zingah Hachhek biala vote nei an tam ber a, mi 1,122 an ni. Hachhek dawta vote nei tamna bial chu Mamit a ni a, mi 385 paih tawh a ni.