Covid-19 hri vei 16 hmuh belh

Mizoramah October 10, Thawhṭanni khan Covid-19 vei mi 16 hmuh chhuah a ni a, nimin khan mi 23 chhuahtir niin, hripui vanga thi an awm belh lo. Nimin tlai khan Covid-19 positive mi 60 chiah an awm tawh a ni.

IDSP aṭanga thu dawn danin, October 10 khan swab sample 343 endik aṭangin Covid-19 positive 16 hmuh a ni a, positivity rate chu 4.68% a tling. District hrang hranga positive hmuh dan chu - Saitualah mi pariat, Khawzawlah pathum, Aizawlah pahnih, Lunglei, Mamit leh Serchhipah pakhat ṭheuh a ni.

Mizoramah swab sample 1,985,000 endik tawh niin, Covid-19 vei 2,38,600 hmuh chhuah a ni tawh a, 12.02% a ni. Nimin tlai dar 5 thlengin mi 2,37,817 (99.67%) chhuahtir an ni tawh a, mi 723 (0.30%) thi tawhin, enkawl mek mi 60 (0.03%) an awm.

Nimin tlai dinhmun angin, district pali - Siaha, Champhai, Lawngtlai leh Hnahthial district-ah Covid-19 vei enkawl lai an awm tawh rih lo a ni.