MNF leh MDF thawhhona a tawp

Siaha district MNF president N Viakhu chuan, Mara Democratic Front (MDF) nena an thawh­hona tihtawp a nih thu, October 17, Thawhlehni khan thuthar thehdarhtute hmaaah a puang.

N Viakhu hian Thawh­lehni khan an party office-ah thuthar thehdarhtute a kâwm a; MDF nena an thawhhona tihtawp a nih chhan chu, MDF-in BJP nena inzawm an duh vang a nih thu a sawi.

N Viakhu chuan, kum 2018-a Mizoram Assembly inthlanna neih turah MNF chuan Siaha biala an party candidate atana tuna MLA ni lai Dr K Beichhua chu an dah leh dawn niin a sawi a, "Palak bialah erawh chuan candidate tur a la sawi theih loh," a ti.

Hetih lai hian, MDF lam chuan BJP nen an thawhho khan MNF nena an thawhhona a tawp nghala an ngaih thu leh a hranpaa puan ṭula an hriat loh thu an sawi thung.