Pawikhawihna tuartute Zangnadawmna an hlan

Lunglei District Legal Services Authority chuan, nimin khan Art & Culture auditorium-ah The Mizoram Victim of Crime Compensation Scheme, 2011 hnuaiah pawi khawihna tuartu mi pasarih hnenah zangnadawmna an hlan.

Zangnadawmna hi pawi khawihna vanga nunna chán mi panga chhungte hnenah leh kumtling lo khuaikhem tuar mi pahnih hnenah Lungleia chief judicial magistrate Julie Lal­rinzami'n a hlan a; CJM chuan, dan leh hrai hriat kawngah mipui an bengvar zawk theih nan inzirtir zel a ṭul thu sawiin, hriat chian duh neite chu inthlahrung loa DLSA-a zawt ṭhin turin a chah.

Julie Lalrinzami sawi danin, nimina zangna­dawmna pek takte nen Lunglei district-ah The Mizoram Victim of Crime Compensation Scheme, 2011 hnuaiah mi 16 hnenah zangnadawmna pek a ni tawh. Mizoram pumah mi 118 hnenah zangnadawm­na pek a ni tawh a ni.