Ei tur thianghlimna zirtir

Health department-a Food & Drugs Administration chuan, nimin khan Archives Hall-ah ei tur siamna hmuna thianghlim leh hrisel taka hnathawh chung­chang zirhona an buatsaih a, Health principal director Dr F Lallianhlira'n a hmanpui.

Dr F Lallianhlira chuan, ei siamtute'n mi dangte hriselna tichhe thei an ni tih an inhriat a, an ei siam aṭanga mi dangte'n harsatna an tawh loh nan an fimkhur a ngaih thu leh, ei atana hrisel tâwk lo siamte chu dan hmanga hrem theih an nih thu a sawi.

Training-ah hian ei siamtute inenkawlna dan te, chaw châkna tibo leh tichhe lo zawnga siam a pawimawhna te, thianghlimna ngaih pawimawh a ṭul dan te, incheina leh ei siam sa pe chhuaktute pawimawhnate zirtir a ni a; zawhna leh chhanna hun hman a ni bawk.